Fréttir

Aðalfundur Spítalans okkar 2021 verður haldinn á Nauthól 25. maí 2021 og hefst kl. 16.00. Að loknum hefðbundnum aðalfundarstörfum fáum við að hlýða á tvö áhugaverð erindi. Annars vegar um stöðuna á Hringbrautarverkefninu og hins vegar um þau tækifæri sem felast í því að nýtt húsnæði rísi fyrir geðþjónsutu Landspítala. Lokaorð á fundinum flytur Héðinn Unnsteinsson formaður Geðhjálpar.

Aðalfundur Spítalans okkar 2020 fór fram í byrjun júní. Anna Stefánsdóttir var endurkjörin formaður stjórnar og áhugaverð erindi frá Ögmundi Skarphéðinssyni, Má Kristjánssyni og Maríu Heimisdóttur settu svip sinn á fundinn.

Svandís Svavarsdóttir heilbrigðisráðherra og Bjarni Benediktsson fjármála- og efnahagsráðherra skipuðu nýverið stýrihóp sem á að annast samþættingu hins margslungna byggingarverkefnis sem nýr Landspítali við Hringbraut er. Unnur Brá Konráðsdóttir leiðir starfshópinn.

Vegna COVID-19 var aðalfundi samtakanna frestað í mars. Nú er komið að því að láta verða af aðalfundi og eru allir félagar hjartanlega velkomnir að taka þátt í hefðbundnum aðalfundarstörfum. Þrjú áhugaverð erindi verða einnig á dagskrá.

Vegna COVID-19 veirunnar verður aðalfundi samtakanna frestað um óákveðinn tíma. Bestu kveðjur frá stjórn.

Þá nálgast aðalfundur samtakanna óðfluga, en hann verður haldinn 10. mars kl. 16 á veitingastaðnum Nauthól.

Afmælismálþing samtakanna Spítalinn okkar var afar vel sótt og vel heppnað. Gerður var góður rómur að erindum þeirra sem stigu á stokk og fjölluðu um menntun, vísindi og nýsköpun í heilbrigðisþjónustu.

Senn líður að afmælismálþingi samtakanna, sem fram fer þann 12. nóvember. Þar verður margt góðra gesta og sérstakur gestur kemur frá Svíþjóð, frumkvöðullinn Charlotta Tönsgård sem er framkvæmdastýra heilbrigðistæknisprotans KIND APP.

Þann 12. nóvember verður afmælismálþing Spítalans okkar í tilefni fimm ára afmælis landssamtakanna. Við fáum góða gesti til að fagna með okkur þessum tímamótum, m.a. Charlottu Tönsgård, framkvæmdastjóra Kind App sem er sænskt nýsköpunarfyrirtæki tengt heilbrigðisþjónustu.

Í nýjum meðferðarkjarna Landspítala, hjarta spítalans, verða ekki langir sjúkrahúsgangar. Áhersla er lögð á hlýleika, birtu og gróður, jafnt innan sem utan. Þá heyrir það sögunni til að sjúklingar deili herbergi sem er gjörbylting fyrir sjúklinga, aðstandendur og starfsfólk.