67. fundur stjórnar

67. stjórnarfundur haldinn þriðjudaginn 13. febrúar 2018 kl. 12.00-13.00 að Skúlagötu 21.

 Mættar voru: Anna Stefánsdóttir, Gunnlaug Ottesen, Jón Ólafur Ólafsson, Kolbeinn Kolbeinsson, Oddný Sturludóttir og Þorkell Sigurlaugsson. Forföll: Sigríður Rafnar Pétursdóttir.

 1.         Fundargerð 65. fundar samþykkt.

2.         Aðalfundur 2018

Aðalfundur verður haldinn 15. mars nk. kl. 16:15. Formaður gerði grein fyrir undirbúningi aðalfundar. Búið er að ákveða dagskrá, fundarstjóra og hvernig aðalfundurinn verður auglýstur en skýrsla stjórnar og ársreikningur eru verkefni í vinnslu ásamt því að finna stjórnarmann í stað Sigríðar Rafnar. Einnig kom fram að breytingar verða á endurskoðendum félagsins.

3.         Kynningarmál

a) Umsögn um tillögu til þingsályktunar – fyrir 2. mars

Rætt var um umsögn Spítlans okkar um tillögu til þingsályktunar um óháða, faglega staðarvalsgreiningu fyrir nýtt þjóðarsjúkrahús. Umsögnum á að skila fyrir 2. mars. Ákveðið var að fela formanni og varaformanni að koma með tillögu að umsögn til stjórnar. Rætt var um að hafa umsögnina ítarlega og byggja hana á þeim staðreyndum sem liggja fyrir um þær staðarvalsgreiningar sem átt hafa sér stað undanfarin ár.

 b) Fréttabréf til félaga

Fram kom að formaður myndi taka saman og senda fréttabréf til félagsmanna, megin inntak fréttabréfins verða upplýsingar um staðarvalsumræðuna sem er í gangi, stöðuna á framkvæmdum við Hringbraut, ásamt upplýsingum um væntanlegan aðalfund.

4.         Önnur mál

Engin önnur mál.

Fleira ekki gert.

Fundargerð ritaði Gunnlaug Ottesen