115. fundur stjórnar
115. fundur stjórnar
Haldinn 28.maí 2024 í höfuðstöðvum LSH Skaftahlíð 24, Reykjavík og á vinnusvæði NLSH við Hringbraut kl.9:0012:00.
Tilefni fundarins var heimsókn Birgitte Rav Degenkolv forstjóra (CEO) Hvidovre Hospital ásamt fylgdarliði.
Mættir voru úr stjórn Spítalans okkar Þorkell Sigurlaugsson form., María Heimisdóttir, Guðlaug Rakel Guðjónsdóttir og Erling Ásgeirsson. Aðrir stjórnarmenn Anna Sigrún Baldursdóttir, Gunnlaug Ottesen og Jón Ólafur Ólafsson boðuðu forföll. Frá LSH Jón Hilmar Friðriksson og Lilja Stefánsdóttir. Frá Hvidovre Hospital Tina Holm Nielsen, Kurt Stig Jensen, Jakob Hendel og Birgitte Rav Degenkolv.
Dagskrá fundarins :
1. Nýbyggingin í Hvidovre.
2. Spítalinn okkar almannasamtök.
3. Nýr Landspítali
4. Heimsókn á byggingarsvæðið við Hringbraut.
1. Birgitte Rav Degenkolv forstjóri Hvidorve Hopital kynnti 43.000 ferm. viðbyggingu og endurbætur á eldri byggingum. Einnig rakti hún helstu breytingar og nýjungar í starfsemi spítalans sem nýtt og betra húsnæði gerði mögulegt. Notaði hún glærukynningu máli sínu til stuðnings. Að loknu máli sýnu sýndi Birgitte frumlegt og vel gert myndband sem varpar ljósi á verkefnið að flytja spítala. ( Ath. Vísað er til glærukynningar og myndbands um frekari upplýsingar undir þessum lið.)
2. Þorkell Sigurlaugsson form. Spítalans okkar kynnti landssamtökin Spítalinn okkar og rakti starf samtakanna sl. 10 ár. Þorkell fór einnig yfir nýjar áherslur í starfseminni, sem samþykktar voru á síðasta aðalfundi samtakanna 23.apríl sl. Nokkrar umræður sköpuðust eftir erindi Þorkels og var mörgum spurningum beint til Þorkels sem hann og aðrir stjórnarmenn svöruðu vel og greiðlega. Var að heyra á viðbrögðum gestanna að þeim þætti mikið til starfsemi samtakanna koma og óskuðu þeir samtökunum formanni og stjórn velfarnaðar í störfum sínum.
3. Jón Hilmar Friðriksson verkefnastjóri hjá LSH kynnti verkefnið nýr Landspítali í máli og myndum. Var gerður góður rómur að erindi hans sem var fróðlegt og vel flutt. Að lokum svaraði hann spurningum gestanna og tók þátt í umræðum.
4. Kl. 11:00 fóru hinir erlendu gestir ásamt Erling Ásgeirssyni í heimsókn á verkstað við Hringbraut. Þar tók á móti hópnum Magnús Heimisson sem vísaði hópnum til gestastofu í vinnubúðunum. Þar kynnti Gísli Georgsson verkefnisstjóri ýmsar tæknilausnir sem verða innleiddar í nýja spítalanum svo sem sjálfkeyrandi vagna til flutnings á líni, mat og öðrum varningi, innan spítalans, rörpóst fyrir lyf og blóðsýni, sogkerfi fyrir óhreint lín ofl.. Einnig fór Gísli yfir helstu nýjungar í myndgreiningartækjum og lýsti nýjum skurðstofum og viðeigandi tækjabúnaði. Gestirnir sýndu erindi Gísla mikinn áhuga enda þekkja þeir viðfangsefnið frá fyrstu hendi. Í lokin spurðu gestirnir um erlenda samstarfsaðila NLSH. Gísli hafði handbærar aðgengilegar upplýsingar um þá. Þá kom í ljós að í mörgum tilfellum er um sömu ráðgjafa að ræða í Hvidovre og við Hringbraut.
Að loknu erindi Gísla tók Árni Kristjánsson staðarverkfræðingur NLSH við Hringbraut við hópnum. Í gulum vestum og með öryggishjálma á höfði gekk hópurinn um byggingarsvæðið og Árni lýsti því sem fyrir augu bar.
Þar með lauk þeim þætti heimsóknarinnar er snýr að NLSH og Spítalanum okkar. Heimsóknin var upplýsandi og ánægjulega fyrir alla aðila.
Heimsókninni á Hringbraut lauk kl.12:00.
Fundargerð ritar Erling Ásgeirsson