33. fundur stjórnar

Spítalinn okkar – landsamtök um uppbyggingu nýs húsnæðis Landspítala

 33. stjórnarfundur haldinn mánudaginn 16. nóvember 2015 kl. 16:00 í Heilsuverndarstöðinni.

Mætt voru: Anna Stefánsdóttir, Gunnlaug Ottesen, Jón Ólafur Ólafsson, Kolbeinn Kolbeinsson og Þorkell Sigurlaugsson. Forföll: Oddný Sturludóttir og Sigríður Rafnar Pétursdóttir.  

 Gestur fundarins var Gunnar Svavarsson, formaður stjórnar Nýs Landspítala.

 Anna setti fundinn og var því næst gengið til dagskrár.

1. Fundargerð 32. fundar samþykkt og undirrituð.

2.  Skipulag byggingaverkefnisins og starf bygginganefndar á næstu misserum:  Formaður bauð Gunnar velkominn. Hann kynnti væntanlegt skipulag bygginaverkefnisins, verkferla, fyrirkomulag samráðshópa og starf bygginganefndar á komandi misserum. Í framhaldi af kynningunni sköpuðust umræður um skipulagið, eftirfylgni og framgang verkefnisins ásamt hagsmunaaðilastjórnun og kynningu á verkefninu fyrir alþjóð.

3. Samstarf Spítalans okkar or bygginganefndar:  Rætt var um mögulegt samstarf Spítalans okkar og samráðshóps um kynningamál. Hugmynd kom fram um að aðilar hittust á hugarflugsfundi í byrjun næsta árs og ræddu kynningarmálin. Formaður vinnur málið áfram.

4. Kynningarstarfið framundan:  Ekki sérstaklega rætt fyrir utan lið 3. hér á undan.

5. Önnur mál:  Engin.

Fundi slitið kl. 18:00.

Næsti fundur verður mánudaginn 14. desember kl. 16:00 í Heilsuverndarstöðinni.

Gunnlaug ritaði fundargerð.