Leita leiða til að fjármagna nýbyggingar Landspítala

Sigrún Gunnarsdóttir varaþingmaður Bjartrar framtíðar ræddi byggingu nýs Landspítala við fjármálaráðherra á Alþingi í dag. Fram kom í máli Sigrúnar að mikið óhagræði væri af rekstri spítalans í núverandi mynd og kostnaður við viðhald og flutning sjúklinga og starfsfólks milli hverfa borgarinnar væri umtalsverður. Frá þessu var greint í fréttum RÚV í hádeginu í dag.